ჭარხალი

ჩვენს ბიომეურნეობაში ჭარხალი კახეთის ნოყიერ, ღია გრუნტზე მოგვყავს. ვინაიდან ძირხვენები ნიადაგიდან პირდაპირ და ინტენსიურად ისრუტავენ ყველა ნივთიერებას, ეკოლოგიურად სუფთა მიწასა და აგროტექნიკას სასიცოცხლო მნიშვნელობა აქვს. 

„იორლენდში“ სრულად გამორიცხულია აზოტოვანი სასუქებისა და პესტიციდების გამოყენება, რაც გვაძლევს გარანტიას, რომ ჩვენი ორგანული ბოსტნეული არ აგროვებს ჯანმრთელობისთვის საშიშ ნიტრატებსა და მძიმე ლითონებს. მოსავლის აღება ხდება ზუსტ ტექნიკურ სიმწიფეში, სანამ ნაყოფი გადაბერდება და შიგნიდან გაუხეშდება, რის შედეგადაც ვიღებთ წვნიან, ერთგვაროვანი ფერისა და სტრუქტურის მქონე პროდუქტს, რომელსაც არ აქვს უხეში ბოჭკოები და ე. წ. თეთრი რგოლები.

აღსანიშნავია, რომ ცოტა ხნის წინ ჩვენმა პროდუქციამ სსიპ სოფლის მეურნეობის სახელმწიფო ლაბორატორიაში ნიტრატების შემცველობაზე ლაბორატორიული შემოწმება გაიარა. მათ შორის იყო ჭარხალი და ანალიზებმა აჩვენა, რომ მასში ნიტრატების ძალიან დაბალი მაჩვენებელია — კერძოდ, ნორმა არის 1400, ჩვენი ჭარხლის მაჩვენებელი კი 84-ია.

რატომაა ჭარხალი ჩვენი ორგანიზმისთვის სასარგებლო?

ჭარხალი სისხლის მიმოქცევისა და დეტოქსიკაციის საუკეთესო ბუნებრივი სტიმულატორია. მისი მუქი წითელი ფერი განპირობებულია ბეტალაინებით — უძლიერესი ანტიოქსიდანტებით, რომლებიც ანთების საწინააღმდეგო თვისებებით გამოირჩევა და ღვიძლს ტოქსინებისგან გათავისუფლებაში  ეხმარება. 

ის მდიდარია ფოლიუმის მჟავით (B9 ვიტამინი), რკინითა და კალიუმით, რაც აუცილებელია ჰემოგლობინის სინთეზისა და უჯრედების განახლებისთვის.

გარდა ამისა, ჭარხალში არსებული ბუნებრივი ნიტრატები ორგანიზმში გარდაიქმნება აზოტის ოქსიდად, რაც აფართოებს სისხლძარღვებს, არეგულირებს არტერიულ წნევას და მნიშვნელოვნად ზრდის ფიზიკურ გამძლეობას.

როგორ გამოვიყენოთ ჭარხალი კულინარიაში?

ჭარხლის მიწისებრი სიტკბო და მკვრივი სტრუქტურა უთვალავ კულინარიულ შესაძლებლობას იძლევა. „იორლენდის“ სხვა პროდუქტებთან კომბინაციაში ის შეუცვლელია შემდეგ ვარიაციებში:

1. ტრადიციული ფხალი: მოხარშული ან ღუმელში გამომცხვარი ჭარხალი, შეზავებული ნიგოზთან, „იორლენდის“ ნიორსა და ახალ მწვანილებთან (მათ შორის, მცირეოდენ შაშკვლავთან) ერთად, ქართული სუფრის უალტერნატივო ვეგანური კლასიკაა;
2. ღუმელში გამომცხვარი გარნირი: კუბებად დაჭრილი, ზეითუნის ზეთითა და როზმარინით გამომცხვარი ჭარხალი, რომელსაც სერვირებისას ერევა თხის ყველი ან ფეტა — ეს არის პრემიუმ კლასის, რესტორნის სტილის კერძი;
3. ჯანსაღი სალათები: თხლად დაჭრილი (კარპაჩო) ან მსხვილად გახეხილი უმი ჭარხალი, “იორლენდის” ორგანულ სტაფილოსთან, ვაშლსა და ლიმონის წვენთან ერთად, საუკეთესო ვიტამინური ბომბია;
4. კლასიკური წვნიანები: ბორშჩი თუ ცივი საზაფხულო წვნიანი სრულიად წარმოუდგენელია ამ ინგრედიენტის მუქი ფერისა და სპეციფიკური მოტკბო-მჟავე გემოს გარეშე, რომელსაც იდეალურად ავსებს უგემრიელესი ყვითელი კარტოფილი და ახალი ხახვი;
5. ენერგეტიკული სმუზი: უმი ჭარხლის, ვაშლისა და ჯანჯაფილის (ჯინჯერის) წვენი ორგანიზმის სწრაფი დეტოქსიკაციისთვის ერთ-ერთი ყველაზე ეფექტური გზაა;
6. მოხარშული ჭარხალი ტყემალში, მწვანილებითა და სანელებლებით შეზავებული ნებისმიერი სეზონის გამორჩეული კერძია.