ბატატი

ბიომეურნეობა იორლენდში ყველა პროდუქტი უსასუქო ნიადაგზე იზრდება. ხე-მცენარეებზე მხოლოდ ბიოპრეპარატების დახმარებით ვზრუნავთ. ამიტომ ჩვენი მოსავალი 100%-ით ორგანულია. იორლენდის ბატატის მთავარი ინგრედიენტები მასში ბუნებრივად არსებული ვიტამინები, მინერალები და ანტიოქსიდანტებია. დანარჩენს კი საკუთარ თავზე უსასუქო ნიადაგი, მდინარე იორი და კახეთის მცხუნვარე მზე იღებენ. ამიტომ ჩვენი ბატატი გამორჩეულად სასარგებლო და გემრიელია.

სახეობის შესახებ

ბატატი (ლათ. Iპომოეა ბატატას) მრავალწლოვანი ბალახოვანი მცენარეა, რომელიც ხვიარა მცენარეთა ოჯახს მიეკუთვნება. მიუხედავად სახელისა, ის ჩვენთვის კარგად ნაცნობი კარტოფილის ნათესავი არ არის. ჩვეულებრივი კარტოფილი ძაღლყურძნისებრთა ოჯახს მიეკუთვნება. მისი უახლოესი ნათესავები არიან პომიდორი, ბადრიჯანი და წიწაკა. ბატატი კი ხვართქლისებრთა ოჯახიდან ყოფილა და უფრო ახლოსაა ხვიარა მცენარეებთან, ვიდრე კარტოფილთან. ბატატის სამშობლო ცენტრალური და სამხრეთ ამერიკაა, თუმცა მან შესანიშნავად გაიხარა კახეთის ნოყიერ მიწაზეც.  ბატატი გამოირჩევა თავისი ნარინჯისფერი რბილობით, რაც მასში ბეტა-კაროტინის მაღალ შემცველობაზე მიუთითებს. ჩვენს ბიომეურნეობაში ბატატი სრულ სიმწიფეს შემოდგომაზე აღწევს და მთელი ზამთრის განმავლობაში ინარჩუნებს თავის უნიკალურ თვისებებს.

რა სარგებლობა მოაქვს ბატატს?

ნატურალური, უსასუქო იორლენდის ბატატი ბუნებისგან ნაჩუქარი ნამდვილი მულტივიტამინების კომპლექსია.  აი მისი სასარგებლო თვისებები:

1. იორლენდის ბატატი A ვიტამინისა და ბეტა-კაროტინის საბადოა. ის ერთ-ერთი საუკეთესო პროდუქტია მხედველობისა და კანის ჯანმრთელობისთვის. ხელს უწყობს კანის რეგენერაციას და ანიჭებს მას ჯანსაღ ბზინვარებას.
2. ჩვეულებრივი კარტოფილისგან განსხვავებით ბატატი სისხლში შაქრის დონის მკვეთრ ნახტომს არ იწვევს. ის ენერგიას ნელა და თანაბრად გამოყოფს, რაც დაგეხმარებათ წონის კონტროლსა და დანაყრების ხანგრძლივი შეგრძნების შენარჩუნებაში.
3. ბატატი მდიდარია უჯრედისით, ამიტომ ის საჭმლის მომნელებელი სისტემის საუკეთესო მხარდამჭერია. ბატატის სისტემატიური მიღება გააუმჯობესებს თქვენი ნაწლავების მუშაობას და ხელს შეუწყობს მეტაბოლიზმის დაჩქარებას.
4. ბატატში შემავალ ანთების საწინააღმდეგო ნივთიერებებს ანტიოქსიდანტური ქმედება ახასიათებთ, რაც იმას ნიშნავს, რომ ბატატის მიღება თქვენს უჯრედებს დაზიანებისგან იცავს. შესაბამისად აძლიერებს ორგანიზმს.

გახსოვდეთ: იმისათვის, რომ ორგანიზმმა ამ საოცარი მცენარისგან მაქსიმალური სარგებელი მიიღოს, საჭიროა თქვენს რაციონში იყოს მხოლოდ უსასუქო ბატატი.

რომელ კერძს უხდება ტკბილი კარტოფილი?

ბატატი უნივერსალური პროდუქტია გურმანებისთვის. მას აქვს ტკბილი, თხილისებრი გემო, რომელიც გოგრასა და წაბლს მოგაგონებთ.  მაშ ასე, რა უხდება ბატატს?

1. სანელებლები: როზმარინი, თიამი (ბეგქონდარა) და პაპრიკა — ეს სამეული ბატატის არომატს იდეალურად ხსნის.
2. ციტრუსი და ჯანჯაფილი (კოჭა): ლიმონი ან ლაიმი აბალანსებს მის სიტკბოს.
3. ყველი: ფეტა ან თხის ყველი ქმნის არაჩვეულებრივ გემოვნურ კონტრასტს.
4. ღუმელში გამომცხვარი: მარტივად დაჭრილი და ზეითუნის ზეთით შეზავებული ბატატი საუკეთესო გარნირია როგორც ხორცისთვის, ისე თევზისთვის.
5. ღვინის შეხამება: ბატატის ტკბილ და ხავერდოვან სტრუქტურას განსაკუთრებით უხდება იორლენდის ქვევრში დაყენებული ღვინოები, ქისი ან რქაწითელი, რომლებიც თავისი ხასიათით აბალანსებენ ბოსტნეულის გემოს.