„იორლენდის“ ვარდისფერი პომიდორი მოგვყავს კახეთის ღია გრუნტზე, მზის პირდაპირი სხივების ქვეშ, რაც აუცილებელია ნაყოფში შაქრის ბუნებრივი დაგროვებისთვის. ჩვენი ყველა პროდუქტის წარმოების პროცესში სრულად გამორიცხულია ქიმიური სასუქების, ჰერბიციდებისა და ზრდის სტიმულატორების გამოყენება. ამგვარი ტექნოლოგია უზრუნველყოფს, რომ პომიდორმა შეინარჩუნოს ჯიშისთვის დამახასიათებელი არომატი და არ გახდეს წყლიანი.
ორგანული მეთოდით მოყვანილი ნაყოფი ეკოლოგიურად სუფთა და უსაფრთხოა, ეს კი განსაკუთრებით მნიშვნელოვანია, რადგან პომიდორი ნიადაგიდან ნივთიერებების ინტენსიური შეწოვისკენაა მიდრეკილი.
ჩვენ ბიომეურნეობაში პომიდვრების ფართო არჩევანი გვაქვს. განსაკუთრებით მოთხოვნადია ვარდისფერი, ხარისგულა პომიდორი და ჩერი პომიდორები, რადგან ნატურალური პომიდრვრებით მომზადებულ სალათებს გასაკუთრებულად სასიამოვნო სუნი და გემო აქვს.
სახეობის შესახებ
პომიდორი (Solanum lycopersicum) ძაღლყურძენასებრთა ოჯახის წარმომადგენელია. ვარდისფერი ჯიშები სელექციურად არის გამოყვანილი იმ მიზნით, რომ მიღწეულიყო უფრო ნაზი კანი და ტკბილი რბილობი.
ამ ჯიშს ხშირად „სალათის პომიდორს“ უწოდებენ, რადგან მისი კანი იმდენად თხელია, რომ გათლას არ საჭიროებს, ხოლო რბილობი — „შაქროვანი“ და ხავერდოვანია. ის უფრო მგრძნობიარეა ტრანსპორტირების მიმართ, ვიდრე სქელკანიანი წითელი ჯიშები, ამიტომ მისი სიახლე კრიტიკულად მნიშვნელოვანია.
პომიდვრის სასარგებლო თვისებები?
ვარდისფერი პომიდორი მდიდარია უძლიერესი ანტიოქსიდანტით — ლიკოპენით (სწორედ ის აძლევს ფერს), რომელიც უჯრედებს თავისუფალი რადიკალებისგან იცავს, ანელებს დაბერების პროცესს და ამცირებს სიმსივნური დაავადებების რისკს. საინტერესოა, რომ ვარდისფერ პომიდორში ლიკოპენის კონცენტრაცია ხშირად უფრო მაღალია და უკეთესად შეითვისება, ვიდრე წითელში.
ის ასევე შეიცავს დიდი რაოდენობით კალიუმს, რაც აუცილებელია გულ-სისხლძარღვთა სისტემის ჯანმრთელობისთვის, და B ჯგუფის ვიტამინებს, რომლებიც აუმჯობესებს ნერვული სისტემის მუშაობას და კანის მდგომარეობას.
დაბალი მჟავიანობის გამო, ვარდისფერი პომიდორი უფრო ადვილი მოსანელებელია მათთვის, ვისაც კუჭ-ნაწლავის პრობლემები (მაგალითად, მომატებული მჟავიანობა) აწუხებს.
რას უხდება ვარდისფერი პომიდორი?
ვარდისფერი პომიდორი საუკეთესოა ცოცხალი სახით, რადგან თერმული დამუშავება მის ნაზ სტრუქტურას არღვევს. „იორლენდის“ ბოსტნეულთან და მწვანილთან ერთად კომბინაციაში ის შეუცვლელია:
- ტრადიციული სალათა: ვარდისფერი პომიდორი, ჩვენი ფორჩხის კიტრი, ხახვი (განსაკუთრებით წითელი), მწვანილი (რეჰანი, ქინძი) და კახური ზეთი;
- იდეალურად ეხამება ქართულ ყველს (სულგუნი, იმერული, გუდა). პომიდვრის სიტკბო და ყველის სიმლაშე კლასიკური წყვილია;
- შემწვარი ბადრიჯნის რგოლები და ცოცხალი პომიდორი ნივრიანი სოუსით;
- ბრუსკეტა: გახუხული პური, წვრილად დაჭრილი პომიდორი, ნიორი, რეჰანი და ზეითუნის ზეთი;
- სენდვიჩები: ხორცოვანი სტრუქტურის გამო, ის არ ასველებს პურს ზედმეტად და იდეალურია ბურგერებსა და სენდვიჩებში.
