ნატურალური სიმინდის ფქვილი ორგანიზმისთვის აუცილებელი და სასარგებლო პროდუქტია. იორლენდის ნაყოფიერ მიწას მხოლოდ ორგანული გზით ვამუშავებთ. ამიტომ ჩვენი ყველა პროდუქტი 100 პროცენტით ნატურალურია. უსასუქო სიმინდის მარცვალს ასევე ბუნებრივად ვაშრობთ და მხოლოდ ქვის წისქვილზე ვფქვავთ. ქვის დოლაბზე დაფქვისას მარცვალი არ ცხელდება. ამიტომ სიმინდის ფქვილი სრულად ინარჩუნებს ყველა ვიტამინს, მინერალს, ბოჭკოს და იმ დაუვიწყარ არომატს, რომელიც ბავშვობაში დაგაბრუნებთ. თქვენი ორგანიზმი დადებითი ემოციების გარდა ორგანული პროდუქტისგან კონკრეტულ სარგებელს მიიღებს.
ჯიშის შესახებ
კბილა სიმინდი ამერიკული კულტურაა, თუმცა საქართველოში ის მე-17-ე საუკუნის მეორე ნახევარში იტალიიდან შემოვიდა. მოგვიანებით გაჩნდა ადგილობრივი ჯიშებიც. აბაშის ყვითელი სწორედ დასავლეთ საქართველოს დაბლობი ზონის ადგილობრივი ჯიშია. ის მიღებულია ძველი კაჟა ტიპის ჯიშების შეჯვარებით შემდგომში შემოტანილი კბილა ტიპის ჯიშებთან. გამოირჩევა ოდნავ მოტკბო არომატით და მდიდარი შემადგენლობით.
სასარგებლო თვისებები
ბიომეურნეობა იორლენდის აბაშის ყვითელი შეიცავს კაროტინოიდებს, კერძოდ, ლუტეინსა და ზეაქსანტინს. სწორედ ეს ნივთიერებები აძლევს ფქვილს ყვითელ შეფერილობას. ლუტეინი და ზეაქსანტინი ბუნებრივი ანტიოქსიდანტებია. ეს ნივთიერებები მნიშვნელოვანია თქვენი თვალების ჯანმრთელობისთვის. ისინი ამცირებენ მხედველობის დაქვეითების და კატარაქტის განვითარების რისკებს.
გარდა ამისა სიმინდის ფქვილი შეიცავს დიდი რაოდენობით უჯრედისს, ანუ ბოჭკოს. ბოჭკო კი ხელს უწყობს კუჭ–ნაწლავის გამართულ მუშაობას და სასარგებლო ბაქტერიების გამრავლებას ნაწლავებში. სიმინდის ფქვილის ერთ–ერთი ყველაზე დიდი უპირატესობა ის არის, რომ ის ბუნებრივად გლუტენის გარეშეა.
ეს მას საუკეთესო ალტერნატივად აქცევს იმ ადამიანებისთვის, ვისაც ცელიაკია ან გლუტენის აუტანლობა აწუხებს. უგემრიელესი აბაშის ყვითელი დაგავიწყებთ ხორბლის პურის მონატრებას და ყველა იმ დისკომფორტს, რომელიც ცელიაკიას და გლუტენის აუტანლობას ახლავს.
ვიტამინები და მინერალები
სიმინდი შეიცავს A, C, E, K ვიტამინებს, თუმცა განსაკუთრებით მდიდარი სიმინდის ფქვილი B ჯგუფის ვიტამინებითაა. გამორჩეულია მისი მინერალური შემადგენლობაც: ის შეიცავს რკინას, კალციუმს, კალიუმს, მაგნიუმს, თუთიას, ნატრიუმს. ყველა ეს მინერალი ორგანიზმის გამართულად ფუნქციონირებაში უმნიშვნელოვანეს როლს ასრულებს.
სიმინდი ასევე შეიცავს მაღალი ბიოლოგიური ღირებულების ცილას, რაც იმას ნიშნავს, რომ ამ პროდუქტიდან მიღებული ცილის დიდი წილი ორგანიზმის ცილად გარდაიქმნება. ზუსტად იგივე ვიტამინებს და მინერალებს შეიცავს ბიომეურნეობა იორლენდის ნატურალური თეთრი ფქვილიც, რომლის შეკვეთა ჩვენს ვებგვერდზე შეგიძლიათ.
გახსოვდეთ, რომ ზოგადად სიმინდი ერთ–ერთი ყველაზე ნაკლებად ალერგიული პროდუქტია. ამიტომ სიმინდის პროდუქტები არა მხოლოდ სასარგებლო, არამედ უსაფრთხოცაა. ჯანმრთელობის გარდა იორლენდი თქვენს განწყობაზეც ზრუნავს და მეურნეობაში მოყავს მხიარული კინოსაღამოებისთვის აუცილებელ ჯანსაღი სასუსნავი – ბატიბუტის სიმინდი.
