„იორლენდის“ მწვანე ლობიო მოგვყავს ღია გრუნტზე, ქიმიური სასუქებისა და ზრდის სტიმულატორების გარეშე. ეს მნიშვნელოვანია, რადგან ნატურალურად მოყვანილი ლობიო არ არის „გაბერილი“ და წყლიანი. მას აქვს მკვრივი, მაგრამ ნაზი სტრუქტურა და ხარშვისას არ კარგავს ფორმას. ჩვენ მოსავალს ვიღებთ დროულად, „რძისებრი სიმწიფის“ პერიოდში, სანამ პარკი გადაბერდება და გაუხეშდება. შედეგად ვიღებთ პროდუქტს, რომელსაც ბუნებრივი სიტკბო და მდიდარი არომატი აქვს.
საერთოდ ჩვენ ბიომეურნეობაში ლობიოების ფართო არჩევანია – მწვანე, ბათუმელა, შავი, წითელი, რომლებიც ჯანსაღი მოსავლის გარდა აზოტით გვიმდიდრებს ნიადაგს.
სახეობის შესახებ
მწვანე ლობიო (Phaseolus vulgaris) პარკოსანთა ოჯახის ერთწლოვანი მცენარეა. მიუხედავად იმისა, რომ მისი სამშობლო ცენტრალური და სამხრეთ ამერიკაა, საქართველოში მან ისე მოიკიდა ფეხი, რომ ჩვენი აგროკულტურის ერთ-ერთ მთავარ სიმბოლოდ იქცა. კულინარიული ღირებულებისთვის მნიშვნელოვანია, რომ პარკი ხორციანი და თესლი მასში ჯერ კიდევ ჩამოუყალიბებელი (პატარა) იყოს, რათა კერძი ერთგვაროვანი გამოვიდეს.
რა სარგებელი აქვს ჩვენი ორგანიზმისთვის?
მწვანე ლობიო დიეტური და ვიტამინებით სავსე პროდუქტია. ის დიდი რაოდენობით შეიცავს მცენარეულ ბოჭკოს (უჯრედისს), რაც აუცილებელია საჭმლის მომნელებელი სისტემის მოსაწესრიგებლად და ნივთიერებათა ცვლის დასაჩქარებლად.
გარდა ამისა, მდიდარია A, C და K ვიტამინებით, რომლებიც აძლიერებს იმუნიტეტს და ხელს უწყობს ძვლების სიმტკიცეს. ლობიო ასევე შეიცავს ფოლიუმის მჟავასა და რკინას, რაც ორგანიზმს ენერგიის აღდგენაში ეხმარება და სასარგებლოა სისხლწარმოქმნისთვის. წითელი ლობიოსგან განსხვავებით, მწვანე ლობიო შეიცავს ნაკლებ კალორიას და უფრო ადვილად მოსანელებელია.
რომელ კერძს უხდება მწვანე ლობიო?
მწვანე ლობიო უნივერსალური პროდუქტია და „იორლენდის“ სხვა ინგრედიენტებთან ერთად მისგან უგემრიელესი კერძები გამოდის:
- ჩაშუშული ლობიო: კლასიკური რეცეპტი — ლობიო, ჩვენი პომიდორი (უმჯობესია კანგაცლილი), ხახვი და ბევრი მწვანილი (რეჰანი, ქინძი, ოხრახუში).
- ლობიო კვერცხით: მოხარშული და ზეთში მოთუშული ლობიო, რომელსაც ზემოდან ესხმება ათქვეფილი კვერცხი. მარტივი და ნოყიერი საუზმეა;
- მოხარშული ლობიო, შეზავებული ნიგვზით, ჩვენი ნივრით და სუნელებით;
- მოხარშული ცივი ლობიო შეურიეთ ხახვს, ზეითუნის ზეთსა და ლიმონს. დიეტური და ჯანსაღია;
- ოდნავ მოთუშული ლობიო იდეალურად ეხამება საქონლის ხორცს ან ქათამს.
- ზოგიერთ რეგიონში აჯაფსანდალს, ბადრიჯანთან ერთად, მწვანე ლობიოსაც ამატებენ გემოს გასამდიდრებლად.
ღვინის შეხამება:
მწვანე ლობიოს კერძებს, განსაკუთრებით თუ ის პომიდვრითაა მომზადებული, სჭირდება ღვინო კარგი მჟავიანობით. ამ შემთხვევაში, „იორლენდის“ რქაწითელი ან მწვანე საუკეთესო არჩევანია.
ხოლო თუ ნიგვზიან ფხალს ამზადებთ, მაშინ ქვევრის ქისი უფრო მოუხდება.
აირჩიეთ „იორლენდი“ — მოამზადეთ ქართული კლასიკა საუკეთესო ხარისხის პროდუქტით.
