„იორლენდის“ ბადაგი მხოლოდ ეკოლოგიურად სუფთა ყურძნის ახლად დაწურული ყურძნისგან მზადდება, ყოველგვარი დამატებითი შაქრის, კონსერვანტებისა და საღებავების გარეშე. დუღილის პროცესი მიმდინარეობს დაბალ ტემპერატურაზე, ხანგრძლივად, რათა ჭარბი სითხე აორთქლდეს და შენარჩუნდეს მხოლოდ ბუნებრივი ფრუქტოზა, გლუკოზა და არომატული ნაერთები. ორგანული ყურძნის გამოყენება უზრუნველყოფს იმას, რომ პროდუქტი აბსოლუტურად სუფთაა პესტიციდებისა და ქიმიური ნარჩენებისგან.
როგორ მზადდება “იორლენდის” ბადაგი?
ტრადიციულად, ბადაგი ერთი კონკრეტული ჯიშისგან (ხშირად რქაწითელისგან) მზადდება, თუმცა „იორლენდის“ ბადაგი არის კუპაჟი — ჩვენი ვენახის სრული პალიტრა. თეთრი ჯიშები (რქაწითელი, მწვანე, ქისი, ხიხვი) მას სძენს მაღალ შაქრიანობას, ყვავილოვან და ხილის ტონებს, ხოლო საფერავის დანამატი უზრუნველყოფს ოდნავ შესამჩნევ ტანინებსა და ღრმა, მდიდარ (მოწითალო-ქარვისფერ) ფერს. მრავალჯიშიანი შემადგენლობა ბადაგის გემოს ხდის გაცილებით უფრო დაბალანსებულს და გამორიცხავს ზედმეტ სიტკბოს.
რამდენად სასარგებლოა ჩვენი ორგანიზმისთვის?
ბადაგი ბუნებრივი ენერგიის წყაროა, რომელშიც კონცენტრირებულია ყურძნის ყველა სასარგებლო თვისება. ის მდიდარია კალიუმით, მაგნიუმითა და რკინით, რაც აუცილებელია გულ-სისხლძარღვთა სისტემის გამართული მუშაობისა და სისხლწარმოქმნისთვის.
შავი ყურძნის (საფერავის) მონაწილეობის გამო, ის შეიცავს ანტიოქსიდანტ რესვერატროლს, რომელიც ანელებს უჯრედების დაბერების პროცესს და ორგანიზმს თავისუფალი რადიკალებისგან იცავს.
მიუხედავად მაღალი ენერგეტიკული ღირებულებისა, ეს არის 100%-ით ბუნებრივი, ადვილად ათვისებადი შაქარი, რომელიც ეფექტიანად აღადგენს ძალებს ფიზიკური და გონებრივი გადაღლის დროს.
რა მოვამზადოთ და რომელ კერძებს უხდება?
ბადაგი მრავალმხრივი კულინარიული ინგრედიენტია. „იორლენდის“ სხვა პროდუქტებთან კომბინაციაში ის გამოიყენება:
- ტრადიციული დესერტები: საუკეთესო ბაზაა ნამდვილი, უშაქრო ჩურჩხელის, ფელამუშისა და თათარის მოსახარშად (გამოიყენეთ ჩვენი, ასევე ნატურალური თეთრი სიმინდის ფქვილი და ნიგოზი/თხილი).
- ბუნებრივი დამატკბობელი: შაქრის ჯანსაღი ალტერნატივა საკონდიტრო ნაწარმში (ნამცხვრები, კექსები);
- საუზმე: მოასხით ბლინებს, მაწონს, ხაჭოს ან შვრიის ფაფას მდიდარი ხილის გემოს მისაღებად;
- ხორცის ჭიქურა (Glaze): ბადაგისა და ჩვენი წითელი ცხარე წიწაკის მიქსით მზადდება შესანიშნავი მოტკბო-ცხარე მარინადი ღორის ან ფრინველის ხორცის შესაწვავად და კარამელიზაციისთვის;
- სალათის დრესინგი: შეურიეთ ზეითუნის ზეთსა და მცირეოდენ ძმარს პიკანტური, მოტკბო სოუსის მისაღებად, რომელიც იდეალურად უხდება სალათის ფურცლებს;
- ჩამოასხით მცირე რაოდენობით ბადაგი და მიირთვით დაძველებულ და მლაშე ყველთან (მაგ. გუდა, შებოლილი სულგუნი) ერთად.
